ကချင်ပြည်နယ်မှ ဒေသခံအချို့နှင့် တွေ့ဆုံခြင်း

မြစ်ကြီးနားမြို့တွင်း တစ်နေရာအား ယခုနှစ် နှစ်ဆန်းပိုင်းကတွေ့ရစဉ်

ကချင်ပြည်နယ်မှ ဒေသခံအချို့နှင့် တွေ့ဆုံခြင်း

Monday, 27 June 2011

မငြိမ်းချမ်းတဲ့ အချိန်ကာလ တစ်ခုကိုလည်း ဖြတ်ကျော်ခဲ့ကြဖူးတဲ့ ဒေသခံတွေဟာ အခုတော့ နယ်မြေအခြေအနေ မငြိမ်သက်မှုကို ကြုံလာရပါပြီ။ ၂၀၁၁ ခုနှစ် ဇွန်လ ၉ ရက်နေ့မှာ တပ်မတော်နဲ့ KIA အဖွဲ့တို့ကြား တိုက်ပွဲတွေ စတင်ဖြစ်ပွားလာခဲ့ပါတယ်။ ဇွန်လကုန်ပိုင်း ရောက်တဲ့အထိ ကာလတစ်ခုကို ဖြတ်သန်းလာခဲ့ကြတဲ့ အနေအထား၊ အတွေ့အကြုံတွေနဲ့ ပတ်သက်ပြီး ဒေသခံတချို့နဲ့ မေးမြန်းဖြစ်ခဲ့ပါတယ်။

အစိုးရ၀န်ထမ်းတစ်ဦး (အသက် ၃၇ နှစ်) ၊ ဗန်းမော်မြို့နယ်

မေး - စဖြစ်တုန်းက အခြေအနေကို အရင်ဆုံးပြောပြပေးပါလား။

ဖြေ - စဖြစ်တာတော့ ၉ ရက်နေ့ ညပိုင်းထင်တယ်။ အသံတွေတော့ ကြားရလို့မဟုတ်ဘူး။ လူနာတွေမြို့ ပေါ်ရောက်လာလို့သိတာ။ သွေးလိုလို့တောင် သွေးရှာတယ်လို့ကြားတယ်။ နောက်ပိုင်းတော့ ဖြစ်နေတာ ကိုသိနေရတာပေါ့။ မိုင်းကွဲတာ၊ တံတားပျက်တာကြားရတယ်။ လွယ်ဂျယ်၊ လိုင်ဇာဘက်တော့ သုံး၊ လေးရက်နေလောက်မှာ သွားလို့မရတော့ဘူး။

မေး - လွယ်ဂျယ်၊ လိုင်ဇာဘက်က သွားဖို့ခက်သွားတော့ အဲဒီလမ်းကြောင်းနဲ့ဆက်စပ်ပြီး လုပ်ငန်းလုပ်ရတဲ့သူတွေ အခက်အခဲရှိလာမှာပေါ့။

ဖြေ - ဒီဘက်က လူတွေက နယ်စပ်နဲ့ဆက်စပ်ပြီး အလုပ်လုပ်ကြတာ များတယ်။ အရင်းအနှီးနည်းနည်း ပဲတတ်နိုင်တဲ့သူက နည်းနည်းနဲ့လုပ်ပြီး အရင်းအနှီးများတဲ့သူက ကား တွေဘာတွေနဲ့ များများလုပ်တာပဲ ကွာတယ်။ အားလုံးနီးပါးကတော့ အရောင်းအ၀ယ်ပဲ လုပ်ကြတာပဲ။ အခုတော့ ထိုင်နေရတာပေါ့။ လွယ်ဂျယ်ဘက်က ပိတ်ထားဦးမယ်လို့ ကြားတယ်။ ကယ်ရီတွေတော့ လိုင်ဇာဘက်မှာ သွားကြတာရှိတယ် ကြားတယ်။ ထိုင်နေရမယ့်အတူတူ အရဲစွန့်ပြီးသွားကြတာ။

မေး - မြို့ပေါ်မှာရော ညမထွက်ရ သတ်မှတ်ထားတာမျိုးရှိလား။

ဖြေ - အဲဒီလိုမျိုး ကန့်သတ်တာတော့ မရှိပါဘူး။ ညနေဘက်ဆို ၆ နာရီ၊ ၇ နာရီကျော်တာနဲ့ မြို့စွန်ဘက်က နေ မြို့ထဲဘက်လာတာမျိုးကိုတော့ ကန့်သတ်ထားတယ်။ စားသောက် ဆိုင်တွေကတော့ ည ၉ နာရီလောက်ဆို ပိတ်ရတယ်။ ညဈေးလည်း မရှိသလောက်ပဲ။ ဆိုင်တွေလည်း ညဥ့်နက်ပိုင်းဆို မဖွင့်ရဲတော့ဘူး။ လူတွေလည်း ညဆိုမထွက်ရဲကြဘူး။

မေး - အခု လူမှုစီးပွားရေးပိုင်းဘယ်လို ရှိပါသလဲ။

ဖြေ - အရောင်းအ၀ယ်ကတော့ တော်တော်ကျသွားတာပေါ့။ အရင်ကဆို မြို့ပေါ်ကို ရွာတွေက ကားတွေနဲ့ ဆင်းလာပြီး ပစ္စည်းဝယ်တာတွေ ကားကြီး၊ ကားငယ်နဲ့ပဲ။ အခုတော့ မလာကြဘူး။ ဈေးကြီးမှာရော ဈေးလေးတွေမှာရော အရောင်းအ၀ယ်တွေ ခြောက်သွားတာပေါ့။ ဈေးသည် တွေဆိုတာ မျက်နှာတွေကို ညှိုးနေတာ။ အားလုံးထိတယ်။ နည်းတာ နဲ့များတာပဲကွာတယ်။ လူတွေကလည်း တထိတ်ထိတ်ဖြစ်နေကြတာ။ လူစုစု စုစုမသွားရဲကြဘူး။ ဒီမှာက အလုပ်အကိုင်အနေနဲ့ ၀န်ထမ်းရယ်၊ တောင်သူရယ်၊ အရောင်းအ၀ယ် လုပ်တာရယ် ဒါလောက်ပဲရှိတာ။ တရုတ် နဲ့ဆက်စပ်ပြီး အရောင်းအ၀ယ် လုပ်တာကတော့ အဓိကပေါ့။ အခုမန္တလေး ဘက်ကလည်း ကုန်ကသိပ်မ၀င်၊ တရုတ်ဘက်ကလည်း မ၀င်သလောက်ဆိုတော့ ကုန်ဈေးနှုန်းတွေ တက်လာတာလည်း ရှိတယ်။
ဒီမှာက အလုပ်အကိုင်အနေနဲ့ ၀န်ထမ်းရယ်၊ တောင်သူရယ်၊ အရောင်းအ၀ယ်လုပ်တာရယ် ဒါလောက်ပဲရှိတာ။ တရုတ်နဲ့ဆက်စပ်ပြီး အရောင်းအ၀ယ်လုပ်တာကတော့ အဓိကပေါ့။ အခု မန္တလေးဘက် ကလည်း ကုန်ကသိပ်မ၀င်၊ တရုတ်ဘက်ကလည်း မ၀င်သလောက် ဆိုတော့ ကုန်ဈေးနှုန်းတွေ တက်လာတာလည်းရှိတယ် . . .

ပုဂ္ဂလိက ၀န်ထမ်းတစ်ဦး (အသက် ၃၉ နှစ်)၊ မိုးမောက်မြို့နယ်

မေး - မိုးမောက်ဘက်က အခြေအနေ လောလောဆယ် ဘယ်လိုရှိပါသလဲ။

ဖြေ - အခုအလုပ်နဲ့ ဗန်းမော်မှာနေဖြစ်တော့ မိုးမောက်က သတင်းကိုတော့ အဆက်အသွယ်တွေကတစ်ဆင့်ပဲ ကြားရတာပေါ့။ မနေ့ည(ဇွန် ၂၂ ရက်)ကတော့ မိုးမောက်မြို့နယ်ထဲ က ကုန်းနှောနားမှာ ဗုံးပေါက်သေး တယ် ကြားတယ်။ လူတွေထိခိုက်တာမျိုးတော့မရှိဘူး။

မေး - အခု ကုန်ဈေးနှုန်းက တစ်နယ်လုံးလို အပြောင်းအလဲဖြစ်နေတယ်လို့ သိရပါတယ်။

ဖြေ - ကုန်ဈေးနှုန်းတွေကတော့ တက်တယ်။ လွယ်ဂျယ်က သွားလို့မရ သေးဘူး။ ကားတွေလုံးဝသွားလို့ မရသေးဘူး။ လိုင်ဇာဘက်လည်း ကားသွားလို့မရသေးဘူး။ အကုန်လုံးလိုလို အလုပ်မရှိဘူးဖြစ်နေတာ။ အလုပ်ပါးနေတယ်။

မေး - ဗန်းမော်မြို့ပေါ်မှာရော အပြောင်းအလဲ ဘာတွေရှိသလဲ။

ဖြေ - ညဈေးတွေဆို အရင်က သိပ်စည်တာ။ အခုညဥ့်နက်ပိုင်း မရောင်းရဲကြဘူး။ လူတွေကတော့ ကြောက်နေတာပေါ့။ ဟိုနေရာဖြစ်တယ် ကြားလိုက်၊ ဒီနေရာဖြစ်တယ်ကြားလိုက်ဆိုတော့ ကိုယ့်ဆီလည်း ဘယ်နေ့ ဘာဖြစ်မလဲဆိုပြီး စိတ်ပူနေကြတာ။ အခုအထိတော့ ပုံမှန်ပြန်မဖြစ် သေးဘူး။ ဌာနဆိုင်ရာရုံးတွေမှာတော့ လုံခြုံရေးတွေ ပိုတင်းကျပ်နေတယ် ကြားတယ်။ ပြီးတော့ မြို့အ၀င်ဂိတ်တွေမှာလည်း လုံခြုံရေးတွေ ပိုချထားတယ်။ ဌာနဆိုင်ရာ ၀န်ထမ်းတွေလည်း အလှည့်နဲ့သွားရတယ်။

စီးပွားရေးလုပ်ငန်း လုပ်ကိုင်သူတစ်ဦး အသက်(၃၅)နှစ်၊ မြစ်ကြီးနားမြို့

မေး - မိုးမောက်ဘက်မှာ စဖြစ်နေတုန်းက မြစ်ကြီးနားမှာ အခြေအနေ ဘယ်လိုရှိသလဲ။

ဖြေ - မြစ်ကြီးနား နားက ၀ိုင်းမော်က တံတားမှာ ဗုံးကွဲတာတော့ ဇွန်လ ၁၄ ရက်နေ့ညဘက်မှာပဲ။ ဒီအရှေ့ ပိုင်းကတော့ တနိုင်းမှာဖြစ်လိုက်၊ ဖားကန့်မှာ ဖြစ်လိုက်နဲ့တော့ရှိတယ်။ ဖားကန့်ဆို နန်ယန်းတံတားက မနေ့(ဇွန် ၂၂ ရက်နေ့)က လုံးဝပျက်သွားပြီ။ ဖားကန့်သွားတဲ့ လမ်းအဆက်အသွယ် ပြတ်နေတယ်။ မြစ်ကြီးနားမှာ အခုလက်ရှိကားတွေ ပိတ်မိနေတာ။ တိုက်ပွဲကတော့ မိုးမောက်မြို့နယ်ထဲမှာ စတာပေါ့လေ။ စဖြစ်တုန်းက မြစ်ကြီးနားဘက် မပါသေးဘူး။ နောက် မှ ၀ိုင်းမော်ပါလာတာပေါ့။ နောက်ပြီး ဇွန်လ ၂၁ ရက်နေ့ညမှာ မြစ်ကြီး နားမြို့ပေါ်က အမှတ် (၁) ရဲစခန်း နဲ့ လ၀ကရုံးမှာ ဗုံးကွဲတယ်။ ရဲစခန်းကတော့ ဆိုင်ခန်းဟောင်း တွေပဲ။ လ၀ကရုံးကတော့ နည်းနည်းထိသွားတယ်။ လူအထိအခိုက်တော့ မရှိပါဘူး။

မေး - မြစ်ကြီးနားမှာ အခုအခြေ အနေ ဘယ်လိုရှိပါသလဲ။

ဖြေ - အခုတော့ ငြိမ်နေပါတယ်။ အခုအချိန်အထိပေါ့လေ။ လူတွေရဲ့ စိတ်မှာတော့ ပြီးစေချင်ကြပြီ။ အားလုံးအေးအေးချမ်းချမ်း ဖြစ်စေချင်ပါပြီ။ အခုကလုပ်ငန်းတွေလည်း မကောင်းဘူး။ ဈေးတွေတက်တယ်။ ဥပမာ ဂေါ်ဖီတစ်ထုပ်ကအစ ကျပ် ၁၅၀၀၊ ၂၀၀၀ ဖြစ်ကုန်တယ်။ ဆီ ဈေး၊ ဆန်ဈေး၊ ဂက်စ်ဈေးအကုန် တက်တယ်။ လူတွေအကုန်လုံး စားဝတ်နေရေး ထိခိုက်လာတယ်။ မြစ်ကြီးနားက ရထားလမ်းရယ်၊ တရုတ်ဘက်က ကုန်ရယ် နှစ်ခုအားကိုးရတဲ့ နေရာမှာရထားကလည်း သိပ်ပါတာမဟုတ်ဘူး။ တရုတ်ဘက်ကလည်း လိုင်ဇာက အခုကယ်ရီအဆင့်ဆင့်နဲ့သယ်ရတော့ စရိတ်တွေပို တက်တယ်။ ကန်ပိုက်တီးရှိပေမယ့် သိပ်မသွားကြဘူး။ လိုင်ဇာလမ်းကို ပဲ အားကိုးကြတာ။

မေး - ရွာတွေဘက်က လူတွေပြောင်းရွှေ့တာတွေ ရှိပါသလား။

ဖြေ - မြစ်ကြီးနားမြို့ပေါ်ကို ပြောင်းလာတယ်တော့ မကြားမိဘူး။ တခြားဘက်တော့ရှိတယ်။ ၀ိုင်းမော် ဘက်ဆို ရွာတွေက ပြောင်းလာကြတယ်။ မြစ်ကြီးနားမှာတော့ ညဘက်ဆို အရင်ကနဲ့မတူအောင် ခြောက်နေတာပေါ့။

မေး - မြစ်ဆုံစီမံကိန်းနဲ့ ပတ်သက်လို့ရော ဘာများကြားမိပါသလဲ။

ဖြေ - စီမံကိန်းက တရုတ်နိုင်ငံသား ၀န်ထမ်းတွေ တစ်ဝက်လောက် ပြန်သွားတယ်ကြားပါတယ်။

Source Audio from http://www.voanews.com/burmese