တရုတ်နိုင်ငံ တောင်ပိုင်းတွင်အလုပ်သမား ၄ ထောင်ကျော်ဆန္ဒပြ
ဟောင်ကောင်။ ။ တရုတ်နိုင်ငံ တောင်ပိုင်းရှိ စက်မှုလုပ်ငန်းများ လုပ်ကိုင်ရာ အချက်အချာ ဒေသတစ်ခု တွင်တောင်ကိုရီးယားပိုင် စက်ရုံတစ်ခု၌ လုပ်ခလစာ နည်းပါးမှုနှင့် လုပ်ငန်းခွင် အခြေအနေများ နိမ့်ကျ နေမှုများကြောင့် အလုပ်သမားပေါင်း ၄ထောင်ကျော်မှာ ဆန္ဒပြမှုများ ပြုလုပ်နေကြောင်း ကြာသပတေးနေ့က သတင်းတစ်ရပ်တွင် ဖော်ပြသည်။
ကွမ်ကျိုးပြည်နယ်ရှိ Simone လက်ကိုင်အိတ် စက်ရုံမှ အလုပ်သမား လေးထောင်ကျော်မှာ ဆန္ဒပြလျက် ရှိပြီး ယခင်ကလည်း ယင်းဒေသအနီးတွင် ရွေ့ပြောင်း လုပ်သားများ အရေးနှင့် ပတ်သက်ပြီး ပြသနာများ ဖြစ်ပွားခဲ့ ရသေးသည်။ ယခုလို ဆန္ဒပြမှုများနှင့် ပတ်သက်ပြီး အလုပ်သမားများမှ ပြောရာ၌ ခက်ခဲလှသည့် အလုပ်ခွင် အခြေအနေ တစ်ရပ်ကြောင့် ဖြစ်ကြောင်း ပြောကြားခဲ့သည်။
Simone စက်ရုံမှာ နာမည်ကြီး အမှတ်တံဆိပ်များ ဖြစ်သည့် DKNY, Burberry, Kate Spade နှင့် Coach အစရှိသည့် တံဆိပ်များကို ထုတ်လုပ်ခြင်း ဖြစ်ပြီး ယခုဖြစ်ရပ်ကြောင့် လွန်ခဲ့သည့် တနင်္လာနေ့က ထုတ်လုပ်မှု ရပ်ဆိုင်းခဲ့ရသည်။ ဆန္ဒပြရာ နေရာတွင် ရဲတပ်ဖွဲ့ဝင် အမြောက်အများ အစောင့်ချထားပြီး အချို့လူများ အပြောအရ အမျိုးသမီး တစ်ယောက်နှင့် အမျိုးသား တစ်ယောက်မှာ အင်္ဂါနေ့က လုံခြုံရေးများ၏ ရိုက်နှက်ခြင်းကို ခံခဲ့ရကြောင်း သိရသည်။
သို့ရာတွင် စက်ရုံ၏ အပြောအရ အချို့သော အလုပ်သမားများမှာ ကြာသပတေးနေ့ မှစတင်ပြီး မိမိတို့၏ အလုပ်ခွင်သို့ ပြန်လည် ဝင်ရောက် လာနေပြီ ဖြစ်ကြောင်း သိရသည်။ ယခုလို ဖြစ်ပွားရခြင်းနှင့် ပတ်သက်ပြီး ပြောရာ၌ အချို့အလုပ်သမားများမှာ တစ်ရက်လျှင် ၁၂နာရီ အထိ အတင်းအကြပ် စေခိုင်းခြင်း ခံရပြီး လေးနာရီလျှင် တစ်ကြိမ်မျှသာ အိမ်သာသို့ သွားခွင့်ပြုကြောင်း ပြောကြားခဲ့သည်။ ထို့အပြင် အချို့ အလုပ်သမားများမှ ပြောရာတွင် ၎င်းတို့ အနေဖြင့် နားချိန် မဟုတ်ပါက ရေသောက်ခွင့်နှင့် အိမ်သာသွားခွင့်ပင် မပြုကြောင်း ပြောကြားခဲ့သည်။
source : channel news asia
0 comments:
Post a Comment