ဘာသာရေး ခေါင်းဆောင် Sheik Saleh al-FawzanSource Photo from http://www.google.com/images
ဆော်ဒီ ဘာသာရေးခေါင်းဆောင်
ကလေးလက်ထပ်မှုဥပဒေ ထောက်ခံ
ကလေးလက်ထပ်မှုဥပဒေ ထောက်ခံ
ဆော်ဒီအာရေဗျ နိုင်ငံ၏ လွမ်းမိုးမှုအားအကြီးဆုံး ဘာသာရေး ခေါင်းဆောင် တစ်ဦးဖြစ်သူSheik Saleh al-Fawzan မှာ ဖခင်များအနေဖြင့် ၎င်းတို့၏သမီးများကို လက်ထပ်ပေးပိုင်ခွင့်နှင့်ပတ်သက်ပြီး ဘာသာရေးဆိုင်ရာ စည်းမျဉ်း တစ်ခုကို ထောက်ပံ့မှုပေးလိုက်ပြီး ယင်းမိန်းကလေးငယ်များမှာ ပုခက်ထဲတွင် ရှိနေချိန်တွင်ပင် လက်ထပ်ပေးနိုင်ကြောင်းသိရသည်။
သို့ရာတွင် အစ္စလမ်ဥပဒေအရ ယင်းသို့လက်ထပ်ပေးသော်လည်း သူမ၏ အမျိုးသားဖြစ်လာမည့် သူ၏ကိုယ်အလေးချိန်ကို ခံဆောင်နိုင်ချိန် မှသာ အတူနေခွင့်ပေး ရမည်ဖြစ်ကြောင်း ဖော်ပြသည်။
Al-Fawzan ၏ ထောက်ခံမှုအရ အဆိုပါဥပဒေကို တရားရေးဝန်ကြီး ဌာနမှ ဥပဒေပြုရေး အဖွဲ့ကအတည်ပြုပေးရမည်ဖြစ်ပြီး ယင်းဥပဒေ နှင့်ပတ်သက်ပြီး ဆော်ဒီ အစိုးရနှင့် နိုင်ငံ၏သြဇာ အရှိဆုံး ဘာသာရေးခေါင်းဆောင်အကြားတွင် ထိပ်တိုက်တွေ့ဆုံမှုတစ်ခုဖြစ်လာဖွယ် ရှိကြောင်း အချို့ကသုံးသပ်ကြသည်။
ဆော်ဒီမီဒီယာများ ၏အဆိုအရ တရားရေးဝန်ကြီးဌာနအနေဖြင့် ယခုလို လက်ထပ်ပေးမှုတွင် အမျိုးသမီးများ ၏ အငယ်ဆုံး အသက်အရွယ် ကိုကန့်သတ်ပေးရေး နှင့်ပတ်သက်ပြီး တိုက်ခိုက်ရလိမ့်မည်ဖြစ်သည်ဟု ပြောကြားခဲ့သည်။ သို့ရာတွင် ဘာသာရေး ခေါင်းဆောင် Al-Fawzan ၏လွမ်းမိုးနိုင်မှုကိုလည်းစောင့်ကြည့်ရမည်ဖြစ်သည် ဟုဖော်ပြခဲ့သည်။
Source Photo from http://www.google.com/imagesCredit http://www.mrtv4.net.mm/news
0 comments:
Post a Comment