နာမည်ပြောင်းပေးလိုက်ပါတယ်

Source Photo from http://www.google.com/images

နာမည်ပြောင်းပေးလိုက်ပါတယ်
(မင်းစိုးစံ)

သို့
စောစေးဝါး (အထွေထွေအတွင်းရေမှူး)
ကရင်ပြည်သူ့ပါတီ။

ခေါင်းဆောင်ကောင်းတယောက်ဆိုတာ စကားပြောတဲ့နေရာမှာ အင်မတန်ပါးနပ်လိမ္မာဘို့လိုပါတယ်။
အထူးသဖြင့်အခုလို ဆူဆူပူပူ ရုတ်ရုတ်သဲသဲ ဖြစ်နေတဲ့အချိန်မျိုးမှာ ပိုအရေးကြီးပါတယ်။

စကားကိုမဆင်မခြင်ပြောလိုက်တဲ့အတွက် ပြည်သူတွေကြား တိုင်းရင်းသားအချင်းချင်းကြား အထင်အမြင်လွဲပြီး အမျိုးသားပြန်လည်ရင်ကြားစေ့ရေး ငြိမ်းချမ်းစွာအတူတကွ ယှဉ်တွဲနေထိုင်ရေး ကိုမဆိုထားနဲ့ တဦးနဲ့တဦး တ ယောက်နဲ့တယောက် တဖွဲ့နဲ့တဖွဲ့ ယုံကြည်မှုတည်ဆောက်တဲ့နေရာမှာ အထစ်အငေါ့တွေဖြစ်လာနိုင်ပါတယ်။

ရှမ်းပြည်နယ်နဲ့ကချင်ပြည်နယ်မှာ ဖြစ်နေတဲ့စစ်ပွဲတွေဟာ ဗမာစစ်အစိုးရအတွက် စိုးမိုးမှုလိုအပ်တဲ့အတွက်
တိုက်ရတာဖြစ်တယ်၊ အသေးအဖွဲကိစ္စတွေကို လုပ်နေတာသာဖြစ်ပြီး စေ့စပ်ဆွေးနွေးဘို့ကိစ္စက အတော်ကိုကြန့်ကြာဦးမယ်လို့ပြောတဲ့အပြင် နားလည်မှုယုံကြည်မှုတွေယူဘို့ခက်ခဲနေတဲ့အတွက်ကြောင့် စစ်အစိုးရက အဲဒီ အခက်အခဲတွေကို စစ်ရေးနဲ့ဖြေရှင်းနေရတယ်ဆိုတာမျိုးပြောသွားပါတယ်။

ရှိစေတော့ ဗမာစစ်အစိုးရတပ်နဲ့ တိုင်းရင်းသားတော်လှန်ရေးတပ်တွေ လက်နက်ကိုင်တိုက်လာတာ အတော် ကြာခဲ့သလို ဗမာစစ်အစိုးရတပ်ရဲ့အလိမ်အညာ ကောက်ကျစ်စဉ်းလဲမှုအောက်မှာ လက်နက်နဲ့ငြိမ်းချမ်းရေးလဲ တာတွေရှိခဲ့သလို နှစ်ဘက်သဘောတူညီချက်တွေနဲ့ အပစ်အခတ်ရပ်စဲထားတာမျိုးလည်းလုပ်ခဲ့တဲ့ကြားက အခုလို တိုက်ပွဲတွေပြန်ဖြစ်လာတယ်ဆိုတာ တော်ရုံတန်ရုံ အကြောင်းကြောင့်တော့ မဖြစ်နိုင်လောက်ဘူးလို့ ထင်ပါတယ်။

ဦးစောစေးဝါးကတော့ အဲဒါကို ပေါ့ပျက်ပျက်သဘောမျိုးနဲ့ လတ်တလောလိုအပ်ချက်ကြောင့် စစ်အစိုးရက အခုလိ်ု တိုင်းရင်းသားတွေကို အကြမ်းဖက်သတ်ဖြတ်နေရတာ ဖြစ်တယ်လို့ ဆိုလိုရာရောက်သွားတာကြောင့် ကရင်လူမျိုးတွေအပေါ် အခြားတိုင်းရင်းသားလူမျိုးတွေက အထင်အမြင်လွဲသွားနိုင်ပါတယ်။

အဖွဲ့အစည်းတခုရဲ့ အရေးပါအရာရောက်သူ တဦးဖြစ်တဲ့အတွက် ဦးစောစေးဝါးပြောတဲ့ စကားလုံးတွေတိုင်းဟာ ကရင်ပြည်သူ့ပါတီကို ကိုယ်စားပြုသလို ကရင်ပြည်သူလူထုကိုလည်း ကိုယ်စားပြုနေတယ်ဆိုတာကို သတိချပ်စေလိုပါတယ်။

ဘယ်လိုပဲဖြစ်ဖြစ် ဦးစောစေးဝါးကို ကျုပ်နာမည်ပြောင်းပေးလိုက်ပါတယ်။
နေ့နဲ့နာမ်နဲ့လည်းကိုက်အောင် ပြောပုံဆိုပုံလေးနဲ့လည်းလိုက်ဖက်တဲ့နံမည်လေးပါ။

စောစေးဝါးအစား ဆောအေ့ဝါးလို့ ပြောင်းပေးလိုက်ပါတယ်။ စောစေးဝါးဆိုတာက ဗမာလို မောင်ငွေဖြူ၊
ဆောအေ့ဝါးဆိုတာက ကြက်ချေး(ချီး)ဖြူ။

ကြက်ချေးဖြူဆိုတာက ကြက်တွေမှာဖြစ်တတ်ပြီး အင်မတန်ကူးစက်မှုမြန်ဆန်တဲ့ ရောဂါဆိုးတမျိုးဖြစ်ပါတယ်ခင်ဗျား။

ကရင်ပြည်သူ့ပါတီက ဦးစောစေးဝါး ဆောအေ့ဝါး နဲ့
VOAသတင်းထောက်တို့ ဆက်သွယ်မေးမြန်းချက် အသံဖိုင်



Source Audio from http://www.voanews,com/burmese

မင်းစိုးစံ
အဝေးရောက် ကရင်ဒုက္ခသည်တဦး