ကရင့်ရိုးရာခြည်ဖြူဖွဲ့ပွဲတော် ကျင်းပပြီးစီးခြင်း

ခြည်ဖြူဖွဲ့အခန်းအနားပွဲတော်၏ သဘာပတိကြီးများနှင့်(အထက်)
မြေးမြစ်များကို ခြည်ဖြူဖွဲ့ပေးရန် အသင့်စောင့်ဆိုင်းနေကြသည့် ဘိုးဘွားများ(အောက်)
Photo; Karen Culture and Tradition Preservation Organization

ကရင့်ရိုးရာခြည်ဖြူဖွဲ့ပွဲတော် ကျင်းပပြီးစီးခြင်း

By ဖူ့ယောင်ဟဲ့
August-13-2011 စနေနေ့

ကရင့်သက္ကရာဇ် ၂၇၅၀ပြည့်နှစ် ကရင့်ရိုးရာခြည်ဖြူဖွဲ့ပွဲတော်ကို အမေရိကန်ပြညထောင်စု မင်ဏီစိုးတားပြည် နယ် စိန့်ပေါမြို့ အမှတ်320 University Ave. W. ရှိ Lao Family Community of Minnesota အဆောက်အ ဦးတွင် ယနေ့နံနက် ၁၀း၀၀နာရီမှ မွန်းလွဲ ၃း၀၀ နာရီအထိ ရိုးရာမပျက်စည်ကားသိုက်မြိုက်စွာ ကျင်းပခဲ့ကြောင်း သတင်းရရှိပါသည်။

အစီစဉ်များအရ ဦးစွာ ကရင့်အမျိုးသားလံတော်ကိုအလေးပြုခြင်းနှင့်တပြိုင်တည်း ကရင့်အမျိုးသားသီချင်းဖြင့် အခန်းအနားကိုဖွင့်လှစ်ပြီးနောက် ကျဆုံးလေပြီးသော ကရင့်အမျိုးသားအာဇာနည်ခေါင်းဆောင်ကြီးများနှင့်တ ကွ စစ်သည်တော်များကို အလေးပြုကြကြောင်း သိရှိရပါသည်။

မျိုးချစ်(အဲဆိုဒ်ဆ) ဒုံးအဖွဲ့ အခန်းအနားအပြီးအမှတ်တရ
Photo; Karen Culture and Tradition Preservation Organization

ထို့နောက် ကရင့်ရိုးရာခြည်ဖြူဖွဲ့ပွဲ ဖြစ်ပေါ်လာပုံနှင့် ခြည်ဖြူဖွဲ့ရာ၌အသုံးပြုထည့်သွင်းထားသည့် ပစ္စည်းများ၏ တခုစီ၏ အဓိပ္ပါယ်များကိုရှင်းလင်းပြောကြားသွားသည့်အပြင် ကရင့်ရိုးရာဒုံးအကများဖြင့် ဧည့်ခံဖျော်ဖြေသည် သာမက ကြွရောက်လာကြသည့်ဧည့်ပရိဿတ်များကို ကရင့်ရိုးရာအစားအသာက်များဖြင့် တည်ခင်းဧည့် ခံ ကျွေး မွေးကြောင်းသိရှိရပါသည်။

စိန့်ပေါ လူငယ်မောင်မယ်(စိင့်ပ်ှသ္ဘာင်းမူးခွါ့) ဒုံးအဖွဲ့ အခန်းအနားအပြီး အမှတ်တရ
Photo; Karen Culture and Tradition Preservation Organization

အဓိကအစားအသောက်ဖြစ်သည့် ကောက်ညှင်းဖင်ချွန်များအပြင် တာလပေါ့ဟင်းလျာလည်းပါဝင်ကြောင်း သတင်းရရှိပါသည်။
ကရင့်ရိုးရာဒုံးအကတွင် မျိုးချစ်(အဲဆိုဒ်ဆ)ဒုံးအဖွဲ့မှ ဂန္ဓ၀င်သီချင်းဖြစ်သည့် ၁၂လရာသီဖွဲ့(လာဆီ့ဏီ့္ဘိင်း) တေး သီချင်းဖြင့်ကပြသွားကြသကယ့်သို့ စိန့်ပေါလူငယ်မောင်မယ်ဒုံး (စိင့်ပ်ှသ္ဘာင်းမူးခွါ့)အဖွဲ့မှလည်းခေတ်နှင့်အညီ မြူးကြွလန်းဆန်းစွာ တင်ဆက်ကပြသွားကြကြောင်း နှင့် အဆိုပါအခန်းအနားကို ကရင့်ရိုးရာနှင့်ယဉ်ကျေးမှု ဖေါ် ထုတ်မြှင့်တင် ထိန်းသိမ်းရေးအဖွဲ့(Karen Culture and Tradition Preservation Organization) မှ ဦးဆောင် ကျင်းပခြင်းဖြစ်ကြောင်းသိရှိရပါသည်။
အခန်းအနားသို့ လူ၃၀၀ ကျော်တက်ရောက်ခဲ့ကြောင်းနှင့် ညနေ၃း၀၀နာရီတွင် ရုပ်သိမ်းလိုက်ကြောင်း သတင်း ရရှိပါသည်။