ကုန်းလမ်း သယ်ယူပို့ဆောင်ရေးဆိုင်ရာ
ဘေးကင်းလုံခြုံမှုဆုကို ဆွတ်ခူးရရှိသည့် စင်္ကာပူနိုင်ငံ
20 Aug, 2011
ဘေးကင်းလုံခြုံမှုဆုကို ဆွတ်ခူးရရှိသည့် စင်္ကာပူနိုင်ငံ
စင်္ကာပူနိုင်ငံသည် နိုင်ငံတကာမှ အသိအမှတ်ပြုထားသည့် “အက်မန် အာလ် ရစ်ခ်ကာ” ကုန်းလမ်း သယ်ယူပို့ ဆောင်ရေးဆိုင်ရာ ဘေးကင်း လုံခြုံမှုဆုကို ဆွတ်ခူး ရရှိသွားခဲ့ကြောင်း သိရသည်။ အဆိုပါ ဆုကို ကုန်းလမ်း သယ်ယူပို့ဆောင်ရေးဆိုင်ရာ လမ်းကြောင်းများ ဆက်သွယ်ရာမှာ အကောင်းမွန်ဆုံး ဒီဇိုင်းနဲ့ ဘေးကင်းလုံခြုံမှုအရှိဆုံး အချက်အပေါ်မှာ အခြေခံပြီး ချီးမြှင့်ပေးအပ်ခဲ့သည်။
နှစ်စဉ်ပေးအပ်သည့် “အက်မန် အာလ် ရစ်ခ်ကာ”ဆုကို အဖွဲ့အစည်း တွေကိုလည်း ရွေးချယ် ချီးမြှင့်လေ့ရှိပြီး ကမ္ဘာ့ဘဏ်၊ အမေရိကန်ပြည်ထောင်စုနဲ့ သြစတြေလျနိုင်ငံရှိ မြို့ပြစီမံခန့်ခွဲရေး ဌာနများလည်း အဆိုပါ ဆုကို ဆွတ်ခူး ရရှိခဲ့သည်။ စင်္ကာပူနိုင်ငံသည် ယခု ရွေးချယ် ချီးမြှင့်ခံရသည့် “အက်မန် အာလ် ရစ်ခ်ကာ”ဆုကို အမေရိကန်ပြည်ထောင်စု၊ မစ်ဆူရီပြည်နယ်ရှိ စိန့်လူးဝစ်မြို့မှာ အခမ်းအနားနဲ့ အပ်နှင်းခြင်း ခံရမှာဖြစ်သည်။ စင်္ကာပူနိုင်ငံသည် မော်တော်ယာဉ် လမ်းကြောင်းတစ်ခု မတည်ဆောက်မီ ဒီဇိုင်းပုံစံကို ပြန်လည် သုံးသပ်လေ့ရှိပြီး လမ်းကြောင်း တည်ဆောက်ပြီးပါက ဘေးကင်း လုံခြုံမှု အရည်အသွေးကို နှစ်ပေါင်းများစွာ တာရှည်ခံအောင် စည်းမျဉ်းများနဲ့ထိန်းသိမ်းထားခဲ့သည်။
လမ်းကြောင်းတွေမှာ အရှိန်နှုန်းပြ ဆိုင်းဘုတ်များ၊ မော်တော်ယာဉ် လမ်းကြောင်းဆိုင်ရာ စည်းမျဉ်းများ၊ အရှိန်လျော့အခုံးများ၊ လမ်းကြောင်း အချိုးအကွေ့ပြ အမှတ်အသားများ၊ ဘတ်စ်ကားမှတ်တိုင်ပြ ဆိုင်းဘုတ်များနဲ့ ကြိုတင်သတိပေးအချက်ပြ မီးများစသည်ကို စနစ်တကျ တည်ဆောက်ပြီး ထည့်သွင်း တပ်ဆင်ထားသည်။ နိုင်ငံခြား တိုင်းပြည်များမှ လမ်းကြောင်းစနစ်ကိုလည်း ပုံမှန်လေ့လာ ဆန်းစစ်မှုများ ပြုလုပ်လေ့ရှိပြီး အဆိုပါ နိုင်ငံများရဲ့ နောက်ဆုံးပေါ် လမ်းလုံခြုံရေးဆိုင်ရာ နည်းပညာတွေကိုလည်း စဉ်ဆက်မပြတ် သင်ယူလျက် ရှိသည်။ “အက်မန် အာလ် ရစ်ခ်ကာ”ဆုကို ချီးမြင့်ပေးအပ်သည့် ကုန်းလမ်းသယ်ယူ ပို့ဆောင်ရေး အင်ဂျင်နီယာဌာနကို (၁၉၃၀)ခုနှစ်က ဖွဲ့စည်းခဲ့ပြီး နိုင်ငံပေါင်း (၉၀)ကျော်မှ အဖွဲ့ဝင်များ ပါဝင်ကြောင်း သိရသည်။
Source from http://www.mrtv4.net.mm/news
0 comments:
Post a Comment