မဟာဗမာစစ်အစိုးရတပ်ရဲ့ တိုင်းရင်းသားတွေအပေါ်ထားတဲ့စေတနာ ဆိုတာ အဲဒါပဲ။
ဗမာစစ်တပ်ထဲမှာ တိုင်းရင်းသားတွေလည်းပါတဲ့အတွက် ဗမာစစ်တပ်လို့ခေါ်တာ နည်းနည်းလေးမျှ သဘာဝမကျဘူးဆိုတဲ့
အပြောမျိုး ပြောသံကြားလိုက်တော့ အံမယ် ဟုတ်သားပဲဗျ။
သူ့နိုင်ငံနဲ့သူ့စစ်တပ်ဆိုတာရှိတယ်လေဗျာ။ သက်ဆိုင်ရာတိုင်းပြည်အသီးသီးက စစ်တပ်တွေနဲ့ပေါင်းထားတာကိုတော့
နိုင်ငံတကာစစ်တပ်ကို ယူအင်တပ်လို့ခေါ်တယ်ဆိုတော့ ဗမာနိုင်ငံက စစ်တပ်ကို ဘယ်လိုခေါ်လျင်ကောင်းမလဲမသိ။
KNLA, KIA, SSA, စတဲ့စစ်တပ်ကိုတော့ ကျုပ်တို့က ကရင်တပ် ကချင်တပ် ရှမ်းတပ် အဲဒီလိုပဲခေါ်တယ်။
ဟိုးအရင့်အရင်တုန်းက ကရင်သေနတ်ကိုင်တပ်ရင်း ချင်းသေနတ်ကိုင်တပ်ရင်း ဆိုတာရှိခဲ့ပါလျက်ကယ်နဲ့ ဖျက်ပစ်လိုက်တဲ့အတွက် အခုလက်ရှိ စစ်အစိုးရရဲ့တပ်မှာ တိုင်းရင်းသားလူမျိုးတွေ ဘယ်လောက်ပဲရှိနေပါစေ
ဗမာစစ်တပ်မှ ဗမာစစ်တပ်ပါပဲ။
တိုင်းရင်းသားတွေရဲ့ ဘ၀တွေကို ဖျက်ဆီးပစ်ခဲ့ ဖျက်ဆီးပစ်နေဆဲ ရှေ့လျှောက် ဆက်လက်ဖျက်ဆီးနေဦးမယ့် ဒီလိုစစ်တပ်ကို မဟာဗမာစစ်တပ်လို့သာခေါ်ရမှာ ဖြစ်ပါတယ်။
ဗမာစစ်အစိုးရအုပ်ချုပ်နေသရွေ့ ဒီမိုကရေစီတည်ဆောက်ရေးနဲ့လူ့အခွင့်အရေးတွေ ချိုးဖေါက်နေသေးသရွေ့ မဟာဗမာစစ်အစိုးရတပ် လို့သာ ခေါ်သွားမှာဖြစ်ပါတယ်။
0 comments:
Post a Comment