တတိယနိုင်ငံရောက်ဒုက္ခသည်အချို့၏ ဒုက္ခအချို့

တတိယနိုင်ငံရောက်ဒုက္ခသည်အချို့၏ ဒုက္ခအချို့
အပိုင်း(ခ)

(မင်းစိုးစံ)

“ကျောင်းသွားတာတော့ ဟုတ်တယ်ဗျ၊ ခက်တာက လ,စဉ်ပေးနေရတဲ့ မီးဘိုး၊ ဖုန်းဘိုး၊ အိမ်ငှားခ၊ တကိုယ်ရည် သန့်ရှင်းရေးအတွက် ဆပ်ပြာခဲ၊သွားတိုက်ဆေး၊အမျိုးသမီးတွေအတွက်လစဉ်မရှိမဖြစ်သုံးနေရတဲ့ အရာတွေ အ ဝတ်လျှော်ဘို့၊ ကလေးအတွက်Diaper လို့ခေါ်တဲ့ပစ္စည်းအတွက်တွေ အဲဒါတွေအပြင်Bus Card ဘတ်စ်ကား လက် မှတ်ဝယ်ဘို့အတွက် ကုန်ကျမယ့်ငွေတွေကို ဘယ်လိုဖြေရှင်းမလဲ၊ ဒုက္ခသည်စခန်းမှာဆိုတာက ဖြစ်သလို နေလို့ရတယ်၊ ဥပမာ အဝတ်လျှော်စရာရှိရင် လျှော်ပြီးနေပူထဲမှာလှန်းထားလို့ရ,တယ်၊ ဒီမှာက လှန်းဘို့နေရာမရှိ ဘူး၊ အဝတ်လျှော်စက်ထဲမှာပဲ လျှော်ဖွပ်ရတယ် အခြောက်ခံစက်ထဲမှာအခြောက်ခံရ,တယ်၊ ဒီတော့ဗျာအလုပ် ခွင်မှာ အဆင်ပြေသည်ဖြစ်စေ မပြေသည်ဖြစ်စေလောလောလတ်လတ်ကြုံနေတဲ့အရေးကိစ္စကို ဖြေရှင်းဘို့ရာ အလုပ်မလုပ်လို့မဖြစ်ဘူး”

“ပြီးတော့ ထုတ်ပေးတဲ့ Food Stamp လို့ခေါ်တဲ့ အစားအသောက်ကဒ်ကလည်း မိသားစုအတွက်ဖူလုံပေမယ့် အဲဒီကဒ်နဲ့ စောစောပိုင်းကပြောခဲ့တဲ့ ဒီ တကိုယ်ရည်သန့်ရှင်းရေးအတွက် လိုအပ်တာတွေဝယ်ဘို့ ချိုးခြံချွေတာ ပြီး သုံးဘို့မပြောနဲ့ ကျက်ပြီးသားအစားအစာတောင်ဝယ်လို့မရဘူး၊ ဥပမာ ကြက်ပေါင်း၊ ကြက်ကြော် အဲဒါတွေ ဝယ်လို့မရ,ဘူး”

ဒါကတော့ တကယ့်လက်တွေ့အခက်အခဲတခုဖြစ်ပါတယ်၊ ကျုပ်တို့ မနီလွိုင် Burmese Student Center မြန်မာ ကျောင်းသားများစခန်းမှာနေခဲ့တုန်းက အစားအသောက်ရ,တယ်၊ ကျန်းမာရေးကိစ္စအဆင်ပြေတယ်၊စောစောက ပြောတဲ့ တကိုယ်ရည်သန့်ရှင်းရေးအတွက် ငွေသားရ,တယ်၊ မီးဘိုး၊ ရေဘိုး၊ အဲဒါတွေ ပေးစရာမလိုဘူး၊ငွသားဆို လိုက်လို့ ဟန်ကျတာပဲလို့တော့ မထင်ပါနဲ့ သဘောလောက်ပဲရ,တာပါ၊ မြန်မာကျောင်းသားစခန်းမှာ အနေကြာ တဲ့ကျောင်းသားတွေသိပါတယ်။

ဒီတော့ဗျာ ဒုက္ခသည်တွေအတွက် အိမ်ငှားခ, မီးဘိုး၊ ဖုန်းဘိုး၊ တကိုယ်ရည်သန့်ရှင်းရေးအတွက် လိုအပ်တာကို ဖြည့်ဆည်းပေးဘို့လိုလာတယ်၊ ဒီတော့မှ စောစောပိုင်းက စာသင်တယ်ဆိုတဲ့အပိုင်းကို စိတ်သောက,ကင်းကင်း နဲ့ ဆက်သွားနိုင်တာနဲ့အတူ လုပ်ငန်းခွင်မှာအဆင်မပြေတာတွေ ကင်းဝေးတာနဲ့အမျှ၊ ဆောင်ရန်ရှောင်ရန်တွေ ကို နားလည်တဲ့အတွက် အားလုံးအတွက်အကျိုးရှိပါတယ်။

လုပ်ငန်းခွင်နဲ့ပတ်သက်လို့ ကျုပ်ကိုယ်တွေ့တခုပြောပြချင်ပါသေးတယ်၊ ကျုပ်က စက်နဲ့ပတ်သက်တဲ့ လုပ်ငန်းတ ခုမှာ အလုပ်လုပ်ခဲ့ရာမှာ မတော်တဆ,ထိခိုက်ဒါဏ်ရာရ,သွားတယ်ဗျ၊ ကျုပ်တာဝန်က Machine Operator အလုပ်လုပ်ရင်းနဲ့ တတောင်ဆစ်ကို သံဘောင်နဲ့တိုက်မိပြီး အလုပ်မလုပ်နိုင်ဘူးဖြစ်သွားတယ်။

အဲဒီနေ့က Manager အလုပ်မဆင်းသလို Supervisor လည်း အလုပ်မဆင်းတဲ့နေ့ဖြစ်နေပါတယ်၊ အဲဒီတော့ ကျုပ်လည်း Co-Supervisor ကိုပြောတာပေါ့ဗျာ၊ ကျုပ်ပြောတာကိုနားမလည်လို့ဖြစ်ပါလိမ့်မယ်၊ ဘာမှအရေး ယူဆောင်ရွက်ပေးခြင်းမရှိတဲ့အတွက် ကြိတ်မှိတ်ပြီး အလုပ်လုပ်ရပါတယ်။

ဒီလိုနဲ့ တရက်ပြီးတရက်ကြာလာတော့ လက်က,ယောင်ကိုင်းလာတယ်၊ အဲဒီတော့မှပဲ Manager က သူ့ကို ချက်ခြင်းမပြောရ,ကောင်းလားဆိုပြီး၊ ကျုပ်ကိုအပြစ်တင်ပါတယ်၊ ကျုပ်ကလည်း Co-Supervisor ကိုပြောပြီး သွားပြီဆိုတာကို စကားပြန်ကနေတဆင့်ပြောရတာပေါ့၊ (စည်းကမ်းချက်ထဲမှာက တစုံတခုထိခိုက်အနာတရ, ဖြစ်ပြီဆိုရင် နှစ်ဆယ့်လေးနာရီအတွင်း သတင်းပို့ရမယ်ဆိုတာရှိတယ်ဗျ)နောက်ဆိုရင် သူ့ကိုပဲတိုက်ရိုက်ပြောပါ ဆိုတာပြောပြီး လိုအပ်တဲ့စာရွက်စာတမ်းတွေမှာ ဖြည့်စွက်ပြီး ကျုပ်ကိုဆေးရုံတန်းသွားခိုင်းတာပါပဲ။

ဆက်လက်ဖေါ်ပြပါဦးမည်

မင်းစိုးစံ
အဝေးရောက် ကရင်ဒုက္ခသည်တဦး