နတ်ဆိုးကိုးကွယ်သူ နတ်ဆိုးပြုစားမှု ခံရခြင်း

Source Photo from http://www.google.com/images

နတ်ဆိုးကိုးကွယ်သူ နတ်ဆိုးပြုစားမှု ခံရခြင်း

(မင်းစိုးစံ)

နတ်ဆိုတာကို မယုံကြည်သလို အချို့လည်း ယုံကြည်လွန်းအားကြီးလှပါတယ်၊ အချို့ကျတော့ မယုံတ၀က်ယုံတ ၀က်၊ နတ်ဆိုတာက ကယ်တင်ရှင်လို့နားလည်ပါတယ်၊ ကာကွယ်တယ် စောင့်ရှောက်တယ်၊အားကိုးရတယ်ပေါ့ နော၊ သာမာန်လူသားတွေထက် စွမ်းဆောင်နိုင်တယ် စသည်ဖြင့်ပေါ့လေ။

ယုံကြည်သူတွေက ကိုယ်စောင့်နတ် အိမ်စောင့်နတ် ရွာစောင့်နတ် တောစောင့်နတ် တောင်စောင့်နတ် ချောင်း စောင့်နတ် သစ်ပင်စောင့်နတ် စသည်အားဖြင့်ရှိတယ်ပေါ့ဗျာ၊ ကိုယ်စောင့်နတ်ဆိုတာက ကိုယ့်ကိုစောင့်ရှောက် တဲ့နတ်လို့ ယုံကြည်ကြတဲ့သူတွေက မကောင်းမှုကိုမလုပ်နဲ့နော် ကိုယ်စောင့်နတ်က ကိုယ့်ဆီကခွါသွားလျင် ဒုက္ခရောက်သွားမယ်၊ အိမ်စောင့်နတ်ဆိုလျင်လည်း အိမ်ကိုသန့်သန့်ရှင်းရှင်းထားရမယ်၊ မင်္ဂလာမရှိတဲ့စကား၊ ကြက်သရေမရှိတဲ့စကားတွေမပြောရဘူး၊မြည်တွံတောက်တီး မလုပ်ရဘူး။

ရွာစောင့်နတ်ကို ယုံကြည်သူတွေကျပြန်တော့ ရွာထဲမှာနော် ကာလသမီးကာလသားတွေ မင်္ဂလာမဆောင်ရ သေးပဲနဲ့ ဟိုဝှာမပြုကြနဲ့၊ အိမ်ထောင်ကျပြီးသူတွေလည်း မလော်မာကြနဲ့၊ ခရီးဝေးသွားလျင် ရွာစောင့်နတ်ကို ဦးတိုက်ပြီးမှ သွားကြနော်။

တောလိုက်သွားလျင် အပေါ့အပါးသွားလျင် ပစ္စလက္ခတ်မသွားနဲ့၊ တောစောင့်နတ်ကို တိုင်တည်ပြီးမှသွား၊ တော ကောင်ဆိုလျင်လည်း တွေ့ကရာအကောင်တွေကိုလျှောက်မပစ်နဲ့၊ သမင်ဆိုလျင် သမင်၊ ၀က်ဆိုလျင်ဝက်၊ ချေ ဆိုလျင်ချေ၊ မျောက်ဆိုလျင်မျောက် အထီးဖြင့်အထီး အမဖြင့်အမ အဲဒီလိုဆုံးဖြတ်ပြီးမျှ တောလိုက်ထွက်ကြ။

ချောင်းဆိုလျင်လည်း ချောင်းဖျားမှာ နတ်စင်ရှိတယ် အဲဒီနတ်စင်ရဲ့အထက်ကနေပြီး ရေမချိုးကြနဲ့၊ အ၀တ်မ လျှော်နဲ့။ သစ်ပင်ဆိုလျင်လည်း တွေ့ကရာမြင်ကရာအပင်တွေ မခုတ်နဲ့၊ အပင်ကြီးတွေ အရွယ်မရောက်သေးတဲ့ သစ်နုတွေမခုတ်နဲ့၊ အဲဒီလိုကို ထိန်းသိမ်းကြတာ။

အဲဒီလိုထိန်းသိမ်းလာခဲ့လို့လည်း သဘာဝပတ်ဝန်းကျင်တွေ ထိခိုက်မှုနည်းပါးသလို ရောဂါဆန်းတွေ လူမှုရေး ပြဿနာတွေ သဘာဝဘေးဆိုးတွေ အခုလိုပေါပေါများများ မဖြစ်ခဲ့တာလို့ပဲ ယူဆမိပါတယ်၊ အခုခေတ်ကတော့ သိတော်မူကြတဲ့အတိုင်းပါပဲ သစ်ပင်လား အပင်ကြီး အပင်သေး ရွေးဘို့မပြောနဲ့ ဘီးစပ်ပင်တောင် မရှောင်ဘူး၊ ရှိသမျှအပင်ခုတ်ရုံမျှမက အမြစ်ပါလှန်ပစ်ကြတာ။

တောင်ဆိုလျင်လည်း တလုံးပြီးတလုံးဖြိုချ ချောင်းလောက်ကတော့လာမပြောနဲ့ မြစ်တောင် မနေရဘူး၊ အ ကောင်အလောင်ဆိုလျင်လည်း ဘာညာကွိကွ အထီးအမတွေလာမပြောနဲ့ အိမ်မြှောင်တောင်ချမ်းသာပေးတာမ
ဟုတ်ဘူး။

အပျိုလူပျိုတွေလား သူတို့ လည်း သူတို့အထာနဲ့သူတို့ပေါ့လေ၊ အိမ်ထောင်သည် ကျပြန်တော့ သူ့ဇယား နဲ့သူ ရေများလျင်များသလိုပေါ့၊ ကဲဗျာ ကျုပ်ရေးမယ့် နတ်ဆိုးဆိုတာပျောက်တော့မလောက် ဖြစ်သွားပြီလား
မသိ၊ မပျောက်ပါဘူး အကောင်းတွေပျောက်ကုန်တဲ့နောက် အဆိုးတွေရောက်လာတော့တာပေါ့၊ ဟုတ်စ။

လူတွေက မထိန်းနိုင်မသိမ်းနိုင်ကြတော့တဲ့နောက် နတ်ကောင်းနတ်မြတ်တွေ မနေနိုင်ကြတော့ဘူးလေ အဲဒီ တော့နတ်ဆိုးတွေ နေရာယူကြတော့တာပေါ့၊ အဲဒီလိုနတ်ဆိုးတွေနေရာယူလာတဲ့အခါကျတော့ လူတွေ
လည်း အစားဆင်းရဲအနေဆင်းရဲ ဖြစ်ကြရတော့တာပေါ့ဗျာ။

အမေရိကန် စကားပုံတခုကြားဘူးတယ်ဗျ ဆင်းရဲသူနှင့် ချမ်းသာသူပေါင်းလျင် ဆင်းရဲသူသာ နစ်နာရ၏ တဲ့။
အဲဒီလို အနေဆင်းရဲ အစားဆင်းရဲလာတော့ အတတ်ပညာလည်းဆင်းရဲ ကျင့်ဝတ်သိက္ခာတွေလည်းဆင်းရဲ သည်ထက်ဆင်းရဲလာလိုက်ကြတာ ပေါ ချောင် တွေကိုလိုက်ကြရရော။

Source Photo from http://ww.bbcburmese.com/images

အဲဒီမှာတင် ပေါပေါများများနဲ့ ဈေးချိုချိုတွေထုတ်လုပ်ရောင်းချတဲ့ နိုင်ငံကြီးနဲ့ချိတ်ဆက်မိပြီး အမျိုးသမီးတွေ
လည်း သူတို့ကို အလိုမတူပဲ ကိုယ်ဝန်ဆောင်ပေးရ၊ အမျိုးသားဆိုလျင်လည်း နားရင်းအအုပ်ခံရ၊ မန္တလေးဆို သူတို့မြို့ကို ဖြစ်လို့။

အဲဒါ ကျုပ်တို့ဆီက သစ်ပင်တွေ တောတောင်တွေ မြေပေါ်မြေအောက် ရေပေါ်ရေအောက်က ရှိရှိသမျှ သက်ရှိ သက်မဲ့ အရာဝတ္ထုအားလုံးကို သိမ်းကြုံးယူငင်ပြီး ကျုပ်တို့အမျိုးကို သမ,နေတာ။

အဲဒီတော့ နတ်ဆိုးကိုးကွယ်သူတွေကြောင့် ကျုပ်တို့အားလုံး နတ်ဆိုးပြုစားတာခံရတာပေါ့ဗျာ၊
ကဲနတ်ဆိုးရန်က လွတ်ဘို့ ဘာလိုအပ်တယ်လို့ ထင်ပါသလဲ၊ ဘာလုပ်သင့်ပါသလဲ၊ ဘယ်သူတရားခံလဲ၊
ဘာဆက်လုပ်မှာလဲ။
ဗမာပြည်ဖွါးအချင်းချင်း ဆော်ပလော်တီးဘို့ပဲ ကြိုးစားနေတော့မှာလား။

မဟာဗမာ စစ်အစိုးရနဲ့ နောက်လိုက် နောက်ပါအပေါင်းတို့ရေ ခင်ဗျားတို့ရဲ့ ကျူပင်ခုတ်ကျူငုတ်မကျန်စေနဲ့
ဆိုတဲ့ မဟာဗျူဟာ နည်းဗျူဟာ အမြောက် အများနဲ့ နှစ်ပေါင်းခြောက်ဆယ်လောက် တိုင်းရင်းသားတွေကို အမြစ်ဖြုတ်လာခဲ့သမျှ အမြစ်ဖြုတ်နေသမျှ အ မြစ်ဖြုတ်နေမယ့်သမျှ ဘယ်တော့မျှ စည်ပင်ဝပြောပြီး ငြိမ်းချမ်း
သာယာတဲ့ လူ့အဖွဲ့အစည်းဖြစ်လာမှာမဟုတ်ဘူး ဆိုတာပြောလိုက်ပါရစေ။

မင်းစိုးစံ
အဝေးရောက် ကရင်ဒုက္ခသည်တဦး